कुटासा..अकोट तालुक्यातील दहीहांडा पोलिसांनी मध्यरात्री अवैध रेती वाहतुकीवर कारवाई करून लाखोंचा मुद्देमाल जप्त केला. 25 फेब्रुवारीच्या रात्रीपासून 26 फेब्रुवारीच्या पहाटेपर्यंत ही कारवाई सुरू होती. संशयित वाहन (टाटा 909, एमएच 30 एबी 0482) अडवून पोलिसांनी एक ब्रास रेतीसह वाहन चालक व मालकाला ताब्यात घेतले.गुप्त बातमीदाराकडून मिळालेल्या माहितीनुसार, परी पोलीस उपअधीक्षक किरण भोंडवे यांच्या मार्गदर्शनाखाली नाकाबंदी करण्यात आली. पहाटे 4 वाजता संशयित वाहन अडवून तपासणी केली असता, त्यात मोठ्या प्रमाणावर अवैध रेती आढळली. वाहन चालक शुभम ओईंबे (30) व मालक प्रविण ओईंबे (34) यांना अटक करण्यात आली.
3.04 लाखांचा मुद्देमाल जप्त
वाहन व रेती मिळून एकूण 3.04 लाखांचा मुद्देमाल जप्त करण्यात आला. आरोपींविरुद्ध गौण खनिज कायदा व पर्यावरण संरक्षण कायद्यांतर्गत गुन्हा दाखल करण्यात आला आहे.
